HindiLyrix.com

Hindi Song Lyrics of Meri Awaaz Suno

Meri aawaaz suno, pyaar ke raaz suno 
maine ek phool jo seene pe sajaa rakhaa tha 
uske parade main tumhein dil se lagaa rakhha tha 
tha judaa sabase mere ishq ka andaaz suno 
Meri aawaaz suno..

Zindagi bhar mujhe nafarat si rahi ashkon se 
mere khwaabon ko tum ashkon mein dubote kyon ho 
jo meri tarah jiyaa karate hain kab marate hain 
thak gayaa hoon mujhe so lene do rote kyon ho 
so ke bhi jaagate hi rahate hain jaanbaaz suno
Meri aawaaz suno..

Meri duniya mein na poorab hai na pashchim koi 
saare insaan simat aaye khulee baahon mein 
kal bhatakataa tha main jin rahon main tanhaa tanhaa
kaafile kitane mile aaj unheen rahon main 
aur sab nikale mere humadard mere humaraz suno
Meri aawaaz suno..

Naunihaal aate hain arathi ko kinaare kar lo 
main jahaan tha inhein jaanaa hai vahaan se aage 
aasamaan inakaa zameen inaee zamaanaa inakaa 
hain kai inake jahaan mere jahaan se aage 
inhein kaliyaan nA kaho hain ye chumanasaaz suno
Meri aawaaz suno..

Kyon sanvaree hai ye chandan ki chitaa mere liye 
main koi jism nahin hoon ke jalaaoge mujhe 
raakh ke saath bikhar jaaoongaa main duniya mein 
tum jahaan khaaoge thokar vaheen paaoge mujhe 
har kadam par hai nae mod ka aagaaz suno
Meri aawaaz sunopyaar ke raaz suno 
maine ek phool jo seene pe sajaa rakhaa tha 
uske parade main tumhein dil se lagaa rakhha tha 
tha judaa sabase mere ishq ka andaaz suno 
Meri aawaaz suno..