tum hamen pyaar karo yaa na karo
ham tumhen pyaar kiye jaayenge
chaahe qismat mein kushi ho ke na ho
gam uthaakar hi jiye jaayenge
tum hamen pyaar

ham nahin vo jo gam-e-ishq se ghabaraa jaayen
ho ke maayuus zubaan par koi shikavaa laayen
chaahe kitanaa hi badhe dard-e-jigar
apane honthon ko siye jaayenge
tum hamen pyaar

tum salaamat ho to ham chain bhi paa hi lenge
kisi suurat se lagi dil ki bujhaa hi lenge
pyaar kaa jaam mile yaa na mile
ham to aansuu bhi piye jaayenge
tum hamen pyaar

tod di aas to phir itanaa hi ehasaan karo
dil mein rahanaa jo na chaaho to nazar hi mein raho
thes lagati jo hai dil par to lage
gam uthaakar hi jiye jaayenge
tum hamen pyaar